පසුගිය පෙබරවාරි හත්වනදා HDDES සමූහ ව්‍යාපාරයේ වර්ණවත් ඉතිහාසයට තවත් අමතක නොවන දියනක් ලෙසින් එක්විය. ඒ බණ්ඩාරනායක ජාත්‍යන්තර අනුස්මරණ සම්මන්ත්‍රන ශාලාවේදී පැවැති ජනාධිපති අපනයන සම්මාන උළෙලේදී නැවත වරක් කුලුබඩු හා ඔලියොරෙසින් අංශයේ හොඳම අපනයනකරු සම්මානයෙන් පිදුම් ලබන්නට HDDES සමුහ ව්‍යාපාරය සමත් වීම පාදක කොටගෙනය. එය තවත් සුවිශේෂී වන්නේ මෙම සම්මානය අඛණ්ඩව දිනාගත් තෙවන අවස්ථාව මෙය වීමත් සමගය.
මෙම සම්මානය දිනාගැනීම සඳහා මහත් ධෛර්‍යයෙන් හා කැපවීමෙන් කටයුතු කළ HDDES කර්මාන්තශාලාවේ කළමනාකරණ අංශය හා සේවක සේවිකාවන් හට ස්තුතිය පළ කිරීමේ හමුවක් HDDES සමූහ ව්‍යාපාරයේ ප්‍රාරම්භක සභාපතිතුමන් වන දේශමාන්‍ය එච් ධර්මසිරි ද සිල්වා මහතාගේ ප්‍රධානත්වයෙන් පසුගියදා එම කර්මාන්ත පරිශ්‍රයේදී පැවැත්විනි. සමූහ ව්‍යාපාරයේ ඉහළ කළමානාකාරිත්වය හා සේවකයන් ඇමතු සභාපතිවරයා, එකම පවුලක් ලෙසින් සමගිව, ධෛර්‍යයෙන් ඉදිරියට යන මෙම ව්‍යාපාරය දෙස තමන් එහි ප්‍රාරම්භකයා වශයෙන් ඉතාමත් නිහතමානී සතුටකින් බලා සටින බවත්, සිය HDDES පවුලේ සියල්ලන්ගේම ජීවන තත්ත්වය හැමවිට උසස් කිරීමට තමන් හා ව්‍යාපාරය කැපවී සිටින බවත් ප්‍රකාශ කළේය. මීට අමතරව සේවක සේවිකාවන්ගේ අප්‍රතිහත ධෛර්‍ය හා කැපවීම වෙනුවෙන් ස්තුතියිය පළ කිරීමටද අමතක නොකළේය.
ඉතා සුහදශිලී හමුවකින් පසුව එදිනට නියමිත දිවා ආහාරය සභාපතිවරයාගේ දැතින්ම ආයතනයේ සියළු සේවක සේවිකාවන්ට බෙදාදුන් සභාපතිවරයා ඔවුන්ගේ ඉදිරි රාජකාරී කටයුතු වෙනුවෙන් සුබපැතුම් එක් කළේය.
